O'Neil vill að sá Ungi skrifi undir langtímasamning.

En samt vill M. O'Neil sjálfur aldrei gera meira en árs samning í senn.

Young næstur að gera nýjan samning við Villa

Áfram Ísland!

Vonandi að strákarnir okkar þurfi ekki að eyða of miklu púðri í leikinn svo þeir haldist ferskari í framhaldinu.

Hvenær annars eiga 8-liða úrslitin að hefjast?

Spá: 30-24 fyrir strákunum okkar. 

Aftur gerði Ísland jafntefli

Meiðsli Mete koma á slæmum tíma.

Það á ekki af manngreyinu að ganga. Alltaf meiðist hann reglulega en eins og fólk veit þá er heill Mete einn sá allra besti af varnarmönnum deildarinnar. Svona tognun í aftanverðu læri mun hins vegar þýða það að hann mun örugglega verða frá í 3 vikur-mánuð.

En það er hins vegar hægt að leysa það með að setja hinn gríðar öfluga Hadda (Hallgrím Jónasson), sem var veikur í dag, í miðvörðinn. Þá tekur væntanlega Hans Math miðjuna með Bóa (Hólmari Erni Rúnarssyni).

 En eru engar fréttir af Nico? Hann er núna búinn að vera frá alveg síðan í leiknum gegn Breiðablik í 8-liða úrslitum bikarkeppninnar. Ætli hann sé ekkert væntanlegur á næstunni?

Breiddin er mikil og það kemur til góða. Strákarnir eru þéttir saman og ætla sér að klára dæmið.

Láttu þér batna Gummi. 

Guðmundur Mete tognaði illa

Topp náungi hann Kristján.

Það eina góða sem Guðjón Þórðarson laggði til Keflavíkurliðsins á sínum tíma var að ráða Kristján Guðmundsson sem aðstoðarþjálfara. Í ár hefur Guðjón tekið pokan sinn hjá ÍA á meðan Kristján er á góðri leið með að stýra sínu liði til sigurs í deildinni.

Vel gert Kristján, vel gert. 

Kristján Guðmundsson: Gott að vera í eða við toppinn

Valsmenn úr leik.

Þá er það nokkuð ljóst að þeir verja ekki tilinn þetta árið.

Annar sigur HK á Val

KR-ingar þétta og þétta.

Já með þessum sigri þá heldur betur þétta KR-ingar pakkann sem kemur á eftir efstu tveimur liðunum og ljóst er að þetta er orðið tveggja fáka keppni núna. Guðjón Baldvinsson með bæði mörkin og hafa hann og Jónas Guðni heldur betur verið frábær kaup fyrir þá. Hugsanlega þau bestu í mörg ár.

En næst fá KR-ingar Keflvíkinga í heimsókn og verður það væntanlega þrusu slagur. 

Guðjón tryggði KR 2:0 sigur á Fram

Keflavík á hörkuskriði og stefna á titilinn!

Þetta voru rosaleg úrslit og þeir heldur betur kvittuðu fyrir þessu óvænta tapi í fyrri umferðinni. Þar með var þetta 8. leikur Keflavíkur í röð án taps og tóku þeir efsta sætið af FH-ingum úr Hafnarfirði. Núna er liðið þar sem maður átti fyrir mót engan veginn von á að þeir myndu vera þegar 6 umferðir væru eftir. Núna er bara að halda áfram markmiðum sínum, það er að taka einn leik fyrir í einu og áður en þeir vita af þá verður mótið búið og þeir geta allt eins verið í fyrsta sæti þá. Frábær liðsheild sem Kristján hefur náð að mynda þarna eftir vonbrigðartímabilið í fyrra (seinni hlutinn).

Næsti leikur er í Frostaskjóli gegn KR-ingum sem eru svo gott sem úr leik í titilbbaráttunni og verður spennandi að sjá hvernig sá leikur fer en FH-ingar unnu þá sannfærandi um síðustu helgi. Passiði ykkur KR-ingar! 

Áfram KEFLAVÍK! 

Keflavík - Þróttur R., 5:0

Loksins fagnar maður Grindavíkursigri.

Ég vil þakka nágrönnunum úr Grindavík kærlega fyrir að rífa þrjú stig af FH-ingunum og hjálpa okkur Keflvíkingum þar með í baráttunni.

 Takk, takk.

Óvæntur sigur Grindvíkinga

Villa ekkert að villa á sér heimildir.

Martin O'Neil sem að mínu mati er einn besti stjórinn í bransanum er greinilega að gera frábæra hluti Aston Villa liðið. Aðal markmið hans hefur verið að kaupa breska leikmenn og mynda sterkan og góðan breskan kjarna hjá félaginu. Hefur gert frábær kaup og svo auðvitað hann Agbonlahor sem að var algjör guðsgjöf fyrir þá. Þvílíkur hraði og sprengikraftur í honumsem sýnir sig best að hann skoraði þrennu á sjö mínútum.

Aston Villa eiga alla möguleika á að ná einu af fjórum efstu sætunum. Á síðasta tímabili háð það þeim mikið hversu lítil breiddin var en í dag er allt annað upp á teningnum. 

Agbonlahor með þrennu á sjö mínútum

Það er stutt á milli feigs og ófeigs.

Sagan endurtekur sig. Jafntefli í fyrstu umferð en enginn ástæða til að örvænta. Marga menn vantar en samt áttum við leikinn. Mun fleiri marktilraunir, vorum mun meira með boltan og í rauninni var það einn maður sem kom í veg fyrir það að við tókum ekki þrjú stigin og það er Shay Given. Núna kemur 8 daga hvíld þar sem menn geta þjappað sér saman og við getum lappað upp á meiðslum hrjátt lið okkar. Jákvætt er að við fáum einum degi lengur í hvíld heldur en Chelsea eftir þessa landsleikjatörn núna í vikunni.

Þýðir ekkert að örvænta fólk. Mótið er rétt að byrja. Markmiðið er að vera efstur eftir 38 leiki ekki eftir 1 leik.

Maður leiksins:

Man Utd: Ryan Giggs.

Newcastle: Shay Given.

Manchester United og Newcastle skildu jöfn, 1:1