Gríðarlega góður Gattusso.

Er þessi maður á leið til Real Madrid? Það held ég ekki. Ef hann á ekki lengur erindi í AC Milan þá held ég að Real Madrid ættu nú ekkert að vera að púkka upp á hann. Þessi maður er augljóslega á niðurleið enda orðinn 30 ára og skiljanlega byrjað á hægjast á honum þessum gríðarlega vinnuþjarki og baráttuhundi.

Ef hann er á leiðinni frá Milan þá veðja ég á að hann fari til Bretlands. Konan hans er skosk enn henni kynntist hann einmitt þegar hann var hjá Glasgow Rangers á undan Salernitana og hefur hann gefið það út áður að honum langi að spila aftur með Rangers áður enn ferlinum líkur.

Real Madrid á höttunum eftir Gattuso

Fimm ára samning fimmu Ferdinand fær og feykilegar fjárfúlgur.

Já þetta er glæsilegar fréttir að lesa. Besti varnarmaður heims að gulltryggja starfslokin sín. Margir töldu okkur United menn orðna bilaða árið 2002 þegar við keyptum hann á 30 milljónir punda. Hver hlær núna? Maðurinn búinn að vera nú þegar í 6 ár hjá félaginu og á alla vega 5 önnur eftir. 30 milljónir punda fyrir leikmann sem nýtist félagi í þetta langan tíma og framúrskarandi í sinni stöðu er auðvitað ekki neitt.

Ferdinand mun skrifa undir nýjan fimm ára samning

Skiljanlegt að maðurinn sé orðinn frústeraður.

Það hefur ekki staðið steinn yfir steini hjá honum síðan hann átti stór smellinn Ice Ice Baby sem flestir hlægja að í dag yfir hallærisheitum. Seldi lagið í 15 milljónum eintaka sem hefur gefið honum mikið í aðra hönd. En kannski hann sé orðinn varkárari núna eftir að hafa séð keppinaut sinn um Grammy verðlaunin 1991, MC Hammer, verða gjaldþrota en tónlistarleg saga þeirra er svipuð að mörgu leiti. Hér leyfi ég tónlistarmyndböndum með þeim köppum að fljóta með. Einhverjir komast í stuð á meðan aðrir brosa út í annað.

Vanilla Ice: Ice Ice Baby.


MC Hammer: U can't touch this.



Hvor hefur vinninginn?

Vanillu-Ísinn lemur konu sína

Augljóslega ekki góða löggan, slæma löggan.

Meira svona heimska löggan, heimskari löggan. Það er nokkuð skondið að svona lagað gerist í gömlu fanganýlendunni. Maður hefði haldið að þarna kynnu menn leikinn út og inn þegar kæmi að hlekkjuðum glæpamönnum. Eru löggu- og fangavarðagenin orðinn útþynnt enn ekki glæpamannagenin?

Þjófur í járnum stal lögreglubíl

Góður útisigur.

Mínir menn hafa verið ansi brokkgengir upp á síðkastið og hafa verið í limbói síðustu vikur þarna vestan meginn. Enn núna eru þeir komnir í 3. sæti vesturdeildarinnar og möguleiki er enn á 1. sætinu þó vonin sé veik enda aðeins einn leikur eftir og það gegn Jazz geggjuðu mormónunum. Riðum ekki beint feitum hesti frá þeim nýlega þegar liðið skoraði aðeins 64 stig. Enn eins og einn körfuboltaspekúlantinn á www.nba.com sagði þá má aldrei afskrifa Spurs þegar í úrslitakeppnina er komið. Ná Spurs loksins að brjóta hefðina sem þeir hafa skapað sér og unnið á heilu ári? Enn alla vega hafa allir 4 meistaratitlarnir komið á oddaári, 99, 03, 05 og 07.

Mikið er manni farið að hlakka til úrslitakeppninnar enda spennan í vestrinu óbærileg.

Enn einn sigurinn hjá Boston

Þetta líst mér vel á!

Til hamingju Snæfellsmenn að fá að spila aftur við okkur Keflvíkinga í úrslitum. Þá geta menn barist almennilega án þess að fara að grenja.

 

Áfram Keflavík!

Snæfell í úrslit eftir frábæran endasprett

Titillinn færist nær og nær!

Það var ekkert annað. Held ég hafi aldrei áður fagnað Heskey eins mikið og núna áðan. Chelsea voru svo gott sem að klúðra þessu því núna getur það dugað mínum mönnum að vinna Blackburn og ná jafntefli á brúnni. Lífið er gott þessa dagana.

Tvö ár í röð!

Wigan jafnaði í uppbótartíma á Stamford Bridge

Stelpurnar okkar!

Til hamingju stelpur með góðan árangur. Að troða finnum í pokann og hnýta fyrir snyrtilega. Getur það verið skemmtilegra?

Frækinn sigur á Finnum og Ísland áfram A-þjóð

Já einmitt!

Svo ég steli atriði úr hinu mikla meistarastykki Naked Gun og heimfæri yfir á þetta viðtal.

Pólski verkamaðurinn: Ég gerði þetta ekki.

Fréttamaðurinn: Já já og ég er Robert De Niro.

Pólski verkamaðurinn: Herra De Niro þú verður að trúa mér.

Samtal endar.

Segist vera saklaus

Hver mínúta skiptir máli!

Liggur fólki í alvörunni það mikið á að það þurfi að fara á 30-40 kílómetra hraða yfir til að komast heima að sjá Nágranna? Munurinn á að keyra þessa leið á 90 eða 110 km/h er 3 mínútur. Það er allt og sumt. Það er varla eitt skitið lag í útvarpinu.

Ég segi við fólk. Taktu góða og skemmtilega tónlist með þér og gefðu þér góðan tíma í ökuferðina og þá fer allt vel.

Sex staðnir að ofsaakstri á Reykjanesbraut