AS og Marca eru greinilega ómótstæðileg.

Eða svo virðist vera þar se þeir birta hvert "exsklúsif" viðtalið á fætur öðru við Ronaldo. Auðvitað er það kjaftæði því þessi dagblöð og þá sérstaklega Marca er á spenanum hjá Real Madrid og Real menn nota það óspart í áróðri til að lokka til sín leikmenn. Það eina sem vakir núna fyrir þessum spænsku pappírs-pésum er að gera okkur stuðningsmennina það óánægða út í hann að við heimtum að hann fari. En hvað mig snertir þá mun það ekki virka. Ég mun ekki snúa baki Ronaldo fyrr en að einn daginn komi hann fram í sjónvarpsviðtali og segist vilja fara til Real Madrid og aldrei aftur spila fyrir United.

Þannig vil ég hvetja fólk sem fylgist með þessu fíaskói sem þetta mál er að taka ekki neinu trúanlegu þar sem annað hvort AS eða Marca kemur fyrir í blaðagreinum eða öðrum fjölmiðlum. 

„Til Madrid? Tölum saman að ári.“