Ef ég ætti að veðja...

...á það hvort Benítez verði áfram með liðið á næsta tímabili. Þá myndi ég veðja á að svo verði ekki. Maðurinn hætti með Valencia á sínum tíma eftir að hafa náð stórglæsilegum árangri með þeim. Hvers vegna hætti hann? Jú vegna meintra deilna við stjórn Valencia. Í dag virðist hann aftur vera að rata í svipaða stöðu. Það er ekki nóg með það að hann sé á milli tveggja elda heldur er það koma á daginn að sótt er að honum úr fleiri áttum. Nú síðast er það að koma í ljós að það voru ekki einungis eigendurnir sem voru að funda með Klinsmann heldur var Rick Parry þar einnig. Þannig að núna vill Benítez fá svör og það helst í gær. Hvort hann fái sín svör verður að koma í ljós. Einnig hvort að hann gefist upp á ástandinu og pakki saman í sumar.

Að lokum tek ég það fram að ég vona að Rafa haldi áfram með liðið því þeir virðast ekki eiga nokkurn möguleika í deildarkeppnina á meðan svo er og þeim mun þægilegra fyrir United að sigla fram hjá í titlafjölda fyrir deildarkeppnina.

Árið 1990: Man Utd 7 - 18 Liverpool.
Árið 2008: Man Utd 17 - 18 Liverpool.

Þetta kallar maður skjótar sviptingar.

Benítez lætur óvissuástandið hjá eigendum Liverpool ekki hafa áhrif á sig